ekran платформа за слободоумни
Една жена доживеала агонија кога нејзиниот партнер ја изневерил со родената ќерка. Таа во очај анонимно се обратила до експерт за врски за совет.
– Кога ќерка ми мораше да побегне откако го остави своето насилно момче, не се двоумев да и го понудам мојот дом. Сепак, последното нешто што го очекував беше таа да започне врска со мојот дечко веднаш пред мојот нос. Јас сум во состојба на целосен шок и скршено срце. Не ми се верува дека двајцата кои најмногу ги сакам би ме издале вака – ја започнала својата приказна жената за The Sun.
Има 54. години, а својот партнер (55) го запознала на апликација за запознавање пред четири години. Тие навистина се сложиле и набрзо почнале да живеат заедно. Бидејќи сакале нов почеток, заедно купиле куќа. Се’ било совршено, но потоа се јавила нејзината 25-годишна ќерка со веста дека го напушта своето насилно момче.
– Се договоривме да дојде кај нас. Се чинеше дека ѝ оди добро и доби работа. Но, тогаш малку сомнежи почнаа да ми се вртат во умот. Почнав да се чувствувам непријатно кога ги забележав мајтапењата меѓу партнерот и ќерка ми. Имаше многу сексуални инсинуации и тоа не изгледаше соодветно. Гледајќи наназад, имаше моменти кога исчезнуваа заедно и ги немаше повеќе од еден час, продолжила таа.
Една вечер кога се вратила од работа на бокалот за греење вода нашла белешка во која пишувало дека се заљубиле и решиле да бидат заедно. Се иселила од дома и побегнала од се, но се плаши дека никогаш нема да може да им прости.
– Ова е навистина страшна ситуација. Тоа што го направиле вашиот партнер и вашата ќерка е погрешно. Сепак, вашата ќерка била ранлива откако оставила насилно момче и се чини дека вашиот партнер го искористил тоа. Знам дека сте лути, но не дозволувајте тоа да ти ја уништи врската со ќерка ви. Ќе и требате повторно кога нивната врска неизбежно ќе се распадне. Обидете се да одржувате комуникација со неа – ја советувала психотерапевтот Деидра.
Фото: Архива
