ekran платформа за слободоумни
Секогаш радува кога за нас, нашата земја – Македонија, ќе се говори во позитивен контекст…И, секако, кога тоа позитивно ќе одекне во светот, благодарение на ентузијазмот на Македонец кој забележал момент кој ќе го воодушеви светот…
Токму такви позитивни чувства предизвикаа и фотографии од Зоолошката градина во Скопје, кои станаа вирален хит!
Фотографот на „Нова Македонија“, Горан Анастасовски, успеа преку неколку фотографии да раскаже приказна за љубов, пријателство, посветеност… И тоа беше повеќе од доволно да го обиколат светот.
Негувателот Ристе и жирафата од ЗОО во Скопје се најдоа првин на сајтот „Bored Panda“, благодарение на фотографот Анастасовски, кој и’ ги сподели, по што следеа објави и на други светски медиуми како beetzer.com; shnyagi.net; pressa.tv; а една и од омилените фотографии на уредниците од „National Geographic“.
Силната порака која ја прави оваа приказна покажа дека сепак не е се така сиво, може да биде и бело и жолто и кафено.
