ekran платформа за слободоумни
Во морето трагични и страшни вести од Турција и Сирија по разорниот земјотрес, една убава приказна доаѓа од градот Кахраманмарас во која момчето Камилџан Агдас е спасено по 119 часа во урнатините.
Агдас (16) спиел во дресот на својот сакан клуб Фенербахче кога неговиот град го погодил страшен земјотрес. Следувале денови на ужас, но на крајот овој 16-годишник бил спасен.
Младиот навивач на Фенербахче е спасен по 119 часа поминати во урнатините. Тој спиел во дресот на својот сакан клуб бидејќи Фенер требало да одигра натпревар тој ден, кога се случи земјотресот.
Првото нешто што ги прашал своите спасители било: „Кој ден е денес?“. Турските медиуми наведуваат дека тој цела ноќ ја поминал во дресот бидејќи нетрпеливо го чекал натпреварот.
Да не се случеше земјотресот, тој ден Фенербахче ќе играше против Коњаспор и младиот човек со посебно внимание ќе го следеше дуелот и ќе ги бодреше своите миленици.
Bu gece, 119. saatte gözlerimizde yaş, mucizelere bir kez daha inandık biz!
Daha gidilecek çok maçımız var, seni bekliyoruz Kamilcan 🙏 pic.twitter.com/TnxB8GUuCP
— Fenerbahçe SK (@Fenerbahce) February 11, 2023
Секако, се огласија и од Фенербахче. Од овој познат турски клуб напишаа дека по овој случај повторно веруваат во чуда.
„Вечерва, 119 часа подоцна, очите ни се насолзени и повторно веруваме во чуда. Ни претстојат уште многу натпревари. Те чекаме Камилџан“, објавија на официјалниот сајт на Фенербахче.
Фото: Принтскрин/Twitter
