ekran платформа за слободоумни
Празниците оваа година, поради пандемијата на коронавирусот, ќе изгледаат поразлично од она на што сме навикнале. Сепак, главните предмети што не тераат да ги сакаме остануваат: празнични украси, греено вино со цимет и, се разбира, свечени фустани. Совршен празничен фустан неодамна донесе Xенифер Лопез.
Xеј Ло е позната по своите гламурозни и култни изданија на црвениот тепих – сите ние секогаш ќе го паметиме нејзиниот фустан – џунгла na Версаче.
Овој пат, на доделувањето на наградите People’s Choice, каде го освои трофејот за икона за поп-култура, таа се појави во црвен фустан кој ви го одзема здивот и ги најавува празниците.
Лопез сите нè внесе во еуфорично расположение во нејзиниот црвено-гримизен фустан, што е креација на американскиот моден дизајнер Кристијан Сиријан – омилен на пејачката. Романтичниот црвен мини фустан првпат беше виден на модната писта на ревијата на Сиријано за пролет/лето 2021 година на Њујоршката модна недела во септември.
Лопез се искачи на сцената без маска а фустанот го спарила со прекрасни карнери со салонките на Гианвито Роси, плик ташна од Тајлер Елис и блескави дијаманти од Форевермарк.
Нејзината фризура – елегантна опашка – дополнително ја истакна убавината на фустанот, кој има неверојатни ракави во совршена пропорција со волумизираниот долен дел.
Дури и ако ја дочекате оваа новогодишна ноќ дома, тоа не значи дека не можете да се облечете – во овие тешки времиња, се чини забавно да си дозволиме да бидеме гламурозни, барем навечер.
Црвениот фустан е класика што не излегува од мода – тоа е совршена боја за новогодишен аутфит, бидејќи поканува на прослава, страст и радост. Ако не сакате да паднете во клише, изберете необичен крој или должина на фустанот, исто како и Џеј Ло.
