Џорџ Клуни неодамна им открил на медиумите дека како тинејџер боледувал од Белова парализа, болест која зафаќа дел од лицето.
Холивудскиот актер Џорџ Клуни неодамна гостувал во емисијата „Jimmy Kimmel Live“ каде изјавил дека како тинејџер се борел со парализа на лицето, т.н. Беловиот синдром.
The @SnoopDogg and #GeorgeClooney collab we didn’t know we needed! #KIMMELx20 pic.twitter.com/yOuSU94Tu4
— Jimmy Kimmel Live (@JimmyKimmelLive) January 27, 2023
По повод 20-годишнината од ова популарно шоу, 61-годишниот актер во четвртокот го посетил познатиот водител заедно со раперот Снуп Дог и разговарал за нарушувањето.
Откако водителот и комичар Кимел сподели фотографија од раперот од средношколските денови, тој се потсетил и на фотографиите од актерот Клуни, исто така од неговите помлади денови.
На една фотографија јасно се гледа дека актерот имал парализа на лицето. Но, пред Кимел да се исмее со изгледот на Клуни, тој му објаснил зошто ја има таа насмевка.
#GeorgeClooney’s glow up is REAL. #KIMMELx20 @SnoopDogg pic.twitter.com/e4t1fma7HC
— Jimmy Kimmel Live (@JimmyKimmelLive) January 27, 2023
„Чекај, сакам да ти истакнам нешто, затоа што ќе се шегуваш. Имам Белова парализа и половина од лицето ми е парализирано. Ако одиш вака, од друга страна, тоа е сосема друго лице. Па сега пошегувај се. Ајде смешен човеку.Ајде,да, ќе ти го покажам моето тажно лице“, се пошегувал актерот покажувајќи како на една фотографија има два различни изрази на лицето.
Според медицинските експерти, Беловата парализа е привремена состојба која предизвикува ненадејна мускулна слабост на едната страна од лицето. Обично се подобрува во текот на неколку недели. Точната причина за состојбата е непозната и ретко се јавува повеќе од еднаш во животот на една личност.
Фото: Принтскрин/Twitter