ОВИЕ нереални сцени не се плод на Фотошоп, туку навистина може да ги доживеете доколку се упатите кон Сибир.
Ова е езерото Бурлин во регионот Алтај во близина на границата со Казахстан, кое секое лето претрпува малку психоделична трансформација. Имено, секој август езерото добива розова боја. Како и во случајот со некои други примери во светот, ова не е загадување, туку е последица на зголемената концентрација на ракчиња (Artemia salina), кои живеат во вода со висока соленост.
Сепак, она што го прави ова езеро навистина посебно е возот што сообраќа по него. Таму е со одредена цел, а тоа е жетвата на сол што се прави во ова езеро со векови, наводно од 1768 година. Возот го крева седиментот од дното и го собира во вагони и го филтрира.
Легендата вели дека руската царица Катерина Велика инсистирала да се користи само оваа сол со исклучителен квалитет. Патем, ова езеро произведува околу 65.000 тони сол годишно, што е еднакво на потрошувачката на сол во светот за три до четири дена.
View this post on Instagram
Фото: Принтскрин/Instagram