ekran платформа за слободоумни
Овогодинешното доделување на Оскарите ќе се одржи во понеделник, на 13 март, а неодамна беше откриено што освен престижната филмска награда, номинираните би можеле да однесат дома како подарок.
Подароците кои и оваа година на номинираните ѕвезди им ги дели маркетинг агенцијата Distinctive Assets, се проценети на околу 126.000 долари. Брендовите плаќаат 4.000 долари за учество, но агенцијата не е обврзана да ги прифати нивните производи.
Here's a look at what's in this year’s $126,000 Oscar swag bag #Oscars95 pic.twitter.com/5apgx6yRMs
— Reuters Showbiz (@ReutersShowbiz) March 9, 2023
Според The Guardian, торбата со подарок ќе содржи околу 60 различни производи со фокус на промовирање на велнес третмани. Кесите ќе содржат подарок кој вклучува парче земја во Австралија, можност да се оди на липосукција и рачно избрани органски урми.
Другите работи вклучуваат тридневен престој за осум лица на вулкански остров, јапонски млчеен леб, свилени навлаки за перници и консултации за обновување на коса со лекари од Флорида.
This year's $125,000 Oscars gift bag includes luxurious skincare products, bath ritual sets, luxury vacations to Italy and Canada, Art Lipo body sculpting and a high-tech meditation orb. https://t.co/gZYVvUA5a6
— Variety (@Variety) March 8, 2023
Исто така, откриено е и менито во кое ќе имаат можност да уживаат познатите личности. Британскиот готвач Елиот Гровер открил дека ќе послужи риба и чипс за почеток, а потоа пита со пилешко. Кога станува збор за вегански специјалитети, ќе послужат солени грицки со печурки, хумус намаз и фалафел од грашок.
Фото: Принтскрин/Twitter
