ekran платформа за слободоумни
Случајот со убиството и ранувањето на снимањето на филмот „Rust“ се уште е мистерија. Алек Болдвин (63) со филмски пиштол ги застрела снимателката Халина Хачинс и режисерот Џоел Суза, поради што таа им подлегна на раните.
Инспекторите не ја исклучиле можноста несреќата да не била случајна, пишува New York Post.
Имено, се уште никој не е уапсен или обвинет, но сепак се зема предвид дека можно е сето тоа некој внимателно да го испланирал.
– Многу работи кружат на интернет, па ако луѓето имаат и информации, дефинитивно треба да не контактираат – изјавил Хуан Риос, одговорниот за односи со јавноста во полицијата во Санта Фе.
Тој додал дека полицијата работи „полека и методично за најдобра цел на истрагата, но дека ќе потрае некое време“, се’ поради бројот на сведоци на лице место кои допрва треба да бидат сослушани.
– Мораме да дадеме се од себе и да обезбедиме интегритет на истрагата, бидејќи кога се поднесуваат обвиненија, тој случај мора да се води и на суд – објаснил Хуан.
Детективите направиле список на запленети предмети од ранчот „Бонанза Крик“, каде меѓу другото имало три револвери, најмалку 9. чаури и муниција во кутии, како и торба полна со куршуми, а имало и чаури на самиот сет. Не е наведен видот на муницијата која е пронајдена, ниту се наведуваат повеќе детали.
Да потсетиме, Иан А. Хадсон, еден од актерите во овој филм раскажал дека снимањето било „опасно по живот“. Тој бил преплашен додека снимал сцена во која други го убиваат неговиот лик на одметник користејќи 20. вистински пиштоли и две вистински пушки.
Фото: Принтскрин/Instagram
