АМЕРИКАНЦОТ Хајден Боулс го напуштил средното училиште на седумнаесет години, а само пет години подоцна, на 22 години, станал милионер и се пензионирал.
На YouTube го следат 300 илјади луѓе, додека на TikTok има 100 илјади следбеници. Тој често споделува совети на социјалните мрежи за тоа како изградил бројни бизниси во тинејџерските години, пренесува Daily Mail. Боулс заработил милиони преку инвестирање во недвижнини и онлајн курсеви за dropshipping и реклами на TikTok.
„Почнав да заработувам значителни приходи од мојот бизнис кога имав 17 години, во индустријата за е-трговија. Сè уште работам, сакам да работам, но технички сум во пензија поради парите што ги заработив од недвижнини“, објаснил тој.
View this post on Instagram
Тој додал дека парите што ги добива од претходните инвестиции го плаќаат неговиот животен стил. Компаниите на Хајден продолжиле да растат и да отвораат нови филијали, а младиот претприемач заклучил дека богатството е разликата помеѓу приходите и расходите и дека нема одредена бројка која ќе одреди дали некој е богат.
Не жали што не отишол на факултет
Откако го напуштил училиштето на 17-годишна возраст, тој ја основал платформата Ecom Season, која нуди низа курсеви кои чинат до 575 долари. Во едно од видеата тој изјавил дека не жали што не отишол на факултет бидејќи искуството е сосема слично.
„Ги правите сите глупави работи што ги правите на факултет, но одите 20 нивоа подалеку бидејќи сите имаат пари“, рекол тој.
View this post on Instagram
Тој тврди дека до 20-тата година ги зголемил приходите за четири пати во однос на заработката на 17-годишна возраст, па на дваесет години веќе заработувал милион долари. Сега вели дека собрал повеќе од 20 милиони долари преку зделки фокусирани на е-трговија. Тој им порачал на следбениците да избегнуваат повеќекратни напори и да се фокусираат на една работа што сакаат да ја прават долгорочно.
View this post on Instagram
Инфлуенсерот редовно споделува фотографии од неговите луксузни патувања и одмори низ САД, како и фотографии од скапи автомобили и приватни авиони.
Фото: Принтскрин/Instagram