ekran платформа за слободоумни
Џеј Ло и нејзиниот партнер Алекс Родригез ги прославиле своите родендени во јули, но тоа не биле единствените причини за славење. Имено, тие биле задоволни од веста дека настапот на пејачката на годинашниот „Супер боул“ бил номиниран во дури четири категории за престижната награда „Еми“ што ја даваат телевизиските професионалци.
Џеј Ло со нејзината ќерка Ема, пеела, на споменатиот настап, а сега таа ја објаснила причината за нивниот заеднички настап.
„Нашата изведба не беше водена од намерата да ја направиме Ема популарна, туку беше начин заедно да правиме работи што не поврзуваат. Тоа не значи дека ќе ја носам на сите настапи сега или дека ќе ја принудам да пее, иако многу луѓе ме прашуваат тоа. Пеењето е едноставно нешто што не зближува двете“, рекла таа.
Сепак, покрај бројните прослави, не можеле да ја одбележат најважната работа оваа година, а пандемијата на коронавирус ги спречила да го сторат тоа. Џеј и Алекс требало да се венчаат ова лето, а сè било осмислено за нивната свадбена церемонија, која ја одложија до понатаму, а пејачката не крие колку и е тешко поради тоа.
„Моето срце е скршено што моравме да ја одложиме свадбата затоа што имавме неколку одлични планови за тој настан, но исто така верувам дека Бог има поголем план, затоа само треба да почекаме и да видиме како ќе се одвива ситуацијата. Секако, сето ова е разочарувачки затоа што по Супер боулот и крајот на снимањето на филмот ‘Светот на танцот’, сакав да земам одмор за целосно да се посветам на планирање на свадба, а сега сè е на чекање“, се пожалила Лопез.
