Силен земјотрес со јачина од 7,1 степени го погоди источниот брег на Јапонија во саботата, се треселе и згради во Токио, но според првите информации нема големи штети и не е издадено предупредување за цунами.
Епицентарот на земјотресот бил покрај брегот на префектурата Фукушима на длабочина од 60 километри, објави јапонската метеоролошка служба.
Се треселе и згради во Токио
Земјотресот се случи по 14. часот и ги затресел зградите во главниот град. Нема извештаи за потешкотии во нуклеарната централа Токаимура, објави јавниот сервис NHK. Метеоролошката служба соопштила дека не е издадено предупредување за цунами, но на жителите на крајбрежните градови им е препорачано како претпазливост да се преселат на поголема надморска височина, објави „Japan Times“.
M7.1 earthquake near Honshu, Japan, is located at intermediate depth of 60 km, and thus unlikely to excite a significant tsunami. https://t.co/fopl5RpMh0 pic.twitter.com/ur8HrZfdrl
— Jascha Polet (@CPPGeophysics) February 13, 2021
Земјотресот ја погодил Фукушима само неколку недели пред 10-годишнината од разорниот земјотрес на 11. март 2011. година, кој го опустоши североистокот на Јапонија и предизвика масовно цунами што доведе до најголема светска нуклеарна криза во четвртина век.
Земјотресот во март 2011. година бил со јачина од 9,0 степени и предизвикал цунами што ја поплавил нуклеарната централа Фукушима Даичи.
Во тоа време, во поплавите загинале 18.500 луѓе.
Земјотресите се вообичаени во Јапонија, една од најсеизмички активните области во светот. На Јапонија отпаѓаат петтина од земјотресите во светот со јачина од 6,0 степени или повисока.