Следната дестинација на овој некогаш прекрасен автомобил ќе биде отпадот.
Chevrolet Corvette Stingray C7 практично бил преполовен по сообраќајката која се случила во Роузвил, Калифорнија, но неверојатно е што возачот успеал да ја напушти патничката кабина без повреди.
Деталите за тоа како се случила оваа несекојдневна несреќа не се целосно разјаснети, но видеата ги покажуваат последиците и тоа воопшто не е добра глетка. Очигледно, следната дестинација на оваа „Laguna Blue“ сина копија на моделот Corvette ќе биде отпадот.
На видеото се гледа дека задната половина од спортскиот автомобил, вклучувајќи ја и неговата кабина, завршила на страната на патот, додека предниот дел заедно со моторот е оддалечен околу десетина метри. Иако не е потврдено, се верува дека возачот изгубил контрола и странично удрил во дрвото.
Corvette Blogger известува дека се работи за брзо возење, што не е големо изненадување со оглед на штетата што ја претрпел автомобилот.
Фото: Принтскрин/YouTube