ekran платформа за слободоумни
Мноштво аџии брзаат кон Црквата на Манастирот на островот Липси во Грција кон крајот на август, за да и оддадат почит на иконата поврзана со уникатното чудо на цветањето на исушените гранки од лилјани, што се повторува секоја година од 1943. година.
Така цвеќињата на лилјани деновиве, пред празникот Успение на Пресвета Богородица, повторно процветале.
И’ оваа година цвеќиња се појавиЛЕ на иконата на Пресвета Богородица Харсоска, на исушените гранки на лилјани. Специфичната икона „Панагија ту Хару“, на која се случува ова, се наоѓа во Грција, во скромна византиска црква изградена во 1600 година од монаси од Патмос во Липси, пренесува веб -страницата „Пријатели на Бога“.
Иконата на Богородица не го држи Христос Младенецот во раце како и обично, туку Крстот со нејзиниот син распнат на неГО. Тоа е уникатна композиција, која ја покажува тагата на една мајка и маките низ кои поминала, примајќи го своето мртво дете по неверојатно сурово и срамно мачеништво.
Богородица Хароска го благословува островот Липси стотици години. Сепак, чудото со лилјаните првпат се случиЛО за време на Втората светска војна (1943) и оттогаш се повторува секоја година, дури и’ оваа година. Така цветовите на исушените гранки на лилјаните повторно процветале и овие денови.
Според сведоштвата, во април 1943. година, една млада девојка положила бели лилјани на иконата на Панагија ту Хару како подарок за Пресвета Богородица. Како што минувале деновите, лилјаните природно се исушиле. Три месеци подоцна, во јули 1943 година, посетителите забележале дека исушените лилјани почнале да оживуваат. Кога се приближувал празникот Успение на Пресвета Богородица, пупките изникнале, мирисале на мошус и целосно процветале на денот на прославата.
Луѓето кои ја посетуваат малата црква во Панагија за да и оддадат почит на оваа специјална икона на Пресвета Богородица, велат дека ова чудо се повторува секоја година во исто време.
Сега чудотворната икона ја красат и прекарите „Богородични лилјани”. Цветовите се ставаат на иконата во пролетта, кои потоа се сушат природно и на прославата на Успението цветаат, создавајќи миризливи пупки.
Инаку, манастирот Богородица Хароска се наоѓа на еден километар надвор од главната населба Липси.
И’ манастирот и иконата датираат од 1600 година, кога двајца монаси пристигнале на овој остров. Црквата, трикорабна, во византиски стил, се карактеризира со ниска купола и неправилни сводови, кои создаваат необичен шарм, во комбинација со неколку тесни прозорци.
Процветаните лилјани се нудат како благослов за „Богородица Хароска“ за секој аџија, но во исто време таа е голем „камен на сопнување“ за неверниците, кои сега „ги проучуваат видовите лилјани, со цел да го објаснат овој феномен со прифатливи толкувања“.
А сепак, колку и да се трудат, нејзиното чудо продолжува.
Извор: prijateljboziji.com
