ekran платформа за слободоумни
ГОЛЕМ број електрични возила би можеле да се запалат.
Ураганот Иан предизвика бројни проблеми на Флорида, а во тој налет настрадале и електричните возила. Имено, сите електрични возила кои биле под вода за време на ураганот и чии батерии биле натопени со вода наскоро би можеле да се запалат.
На оваа опасност преку својот профил на Твитер предупредува Џими Патронис, финансискиот директор и пожарникар на Флорида, нагласувајќи дека првите случаи веќе се случиле, а на некои и самиот бил сведок при гаснење пожари.
There’s a ton of EVs disabled from Ian. As those batteries corrode, fires start. That’s a new challenge that our firefighters haven’t faced before. At least on this kind of scale. #HurricaneIan pic.twitter.com/WsErgA6evO
— Jimmy Patronis (@JimmyPatronis) October 6, 2022
Тој објавил видео снимка од местото на пожарот каде пожарникарите се обидуваат да го изгаснат пожарот на Tesla Model X кој се запалил на сред улица. Еден од набљудувачите рекол дека веќе го залиле со повеќе од 5.500 литри вода, но таа сè уште чадел. Службеникот, државен пожарникар нагласува дека за гаснење пожари од батерии е потребна „специјална обука и разбирање на електричните возила“.
Според една неодамнешна студија на AutoInsuranceEZ, хибридните возила се почувствителни на пожари отколку електричните, но поголем проблем е што самиот пожар е исклучително тешко да се изгасне. Поради корозија во ќелиите на литиум-јонската батерија, електричното возило може да испушта чад и пламен долго време, дури и откако ќе биде потопено во вода.
Thank you @bob_rommel we appreciate your willingness to be on scene so you could see first hand how difficult these fires are to extinguish https://t.co/hndPL2ZDct
— North Collier Fire Rescue (@NCFRPio) October 6, 2022
Бидејќи Флорида има втор најголем број регистрирани електрични возила во САД (зад Калифорнија), Флорида станува свесна за проблемот. На крајот на минатата година на Флорида имало речиси 100.000 електрични возила.
Фото: Принтскрин/Twitter
