Додека земјите ширум светот се борат да ги задржат граѓаните во своите домови и со тоа да престанат да шират коронавируси, претседателот на Уганда, Jовер Мусевени се обидува со нешто поразлично.
Поточно, во обид да ги охрабри Уганданците да останат дома за време на ограничувањата на движењето, овој 75-годишен лидер објавил видео од својата вежба во домот, пренесува Си-Ен-Ен.
Мусевени на својот профил на Твитер ги предупреди Уганданците да не вежбаат надвор, пишувајќи: „Ако сакате да вежбате, можете да го направите тоа во затворено“. Потоа, тој твитувал видео на коешто трча наоколу во својата канцеларија, правејќи склекови во сива тренерка, со глас кој брои до 30, во позадина.
„Не мора да вежбате на отворено. Еве мое демонстрирање за тоа како можете да вежбате во затворено и да останете безбедни“, додал тој.
Во Уганда е воведен полициски час а училиштата се затворени, за да се спречи ширењето на коронавирусот. Забранети се јавни состаноци, конференции и комунални молитви.
Досега, 53. потврдени случаи на коронавирус се регистрирани во Уганда, според податоците на универзитетот Џонс Хопкинс и Министерството за здравство во земјата.
Yesterday, I discouraged people who have been jogging in groups, exposing themselves to risk amidst the COVID-19 pandemic. You do not have to go outdoors to exercise. Here is my demonstration of how you can exercise indoors and stay safe. pic.twitter.com/Ulbj6vGOYQ
— Yoweri K Museveni (@KagutaMuseveni) April 9, 2020