(ВИДЕО) Премиерката на Исланд била прекината од земјотрес: Прекрасно реагирала!

Исландската премиерка Кетрин Јакобсдотир била прекината за време на интервјуто од земјотрес со јачина од 5,6 степени по Рихтер.
Исландската канцеларија за метеорологија објавила дека земјотресот се случил во 13:43 часот по локално време во близина на Крисувик, околу 35. километри јужно од Рејкјавик.
Засега нема извештаи за повредени или штети, но потресите накратко ја прекинале парламентарната седница во главниот град.
„Ова беше најголемиот земјотрес што некогаш сум го доживеал“, објави на Твитер министерот за финансии Бјарни Бенедиксон, со слика на срушена таванска плочка.

Þetta var stærsti skjálfti sem ég hef upplifað (reyndar misst af allnokkrum). pic.twitter.com/SlLXDSKhhn

— Bjarni Benediktsson (@Bjarni_Ben) October 20, 2020

За време на преносот на седницата на исландската телевизија можело да се види како на неколку секунди „замрзнуваат“ пратениците, а нивната работа била прекината на четвртина час.
Хелги Храфн Гунарсон, пратеник од Пиратската партија, бил прикажан како бега од говорницата, додека говорникот Стингримур Сигфусон ги повика другите „само да седат мирни“.
Во меѓувреме, премиерката Јакобсдотир зборувала во живо на Zoom кога се случил земјотресот.
„О Боже, имаше земјотрес“, погледнала низ собата (во 13-минутно интервју) пред да додаде:
„Па, ова е Исланд, извинете за тоа“

Iceland Prime Minister Katrín Jakobsdóttir was discussing the coronavirus’ effect on the tourism industry and how the nation is approaching testing when she was interrupted by an earthquake. https://t.co/47Thh6hy5M #postlive pic.twitter.com/3rWjrIczXm

— Washington Post Live (@postlive) October 20, 2020

Властите ги предупредиле жителите на западен Исланд дека може да следат повеќе земјотреси, но научниците не забележале зголемена вулканска активност во регионот. Исландската агенција за цивилна заштита соопштила дека ќе бидат извршени инспекции за да се проверат потенцијалните последици.
Вулканскиот остров Исланд е еден од најсеизмички активните во светот, иако повеќето земјотреси се мали и предизвикуваат мали штети.
Албинги – националниот парламент на Исланд – е основан во 930 година и е најстар во светот.