(ВИДЕО) ПО 19 СЕЗОНИ – Објавен е нов клип од серијата „Вовед во анатомија“ во кој Елен Помпео ја напушта серијата

Серијата „Вовед во анатомија“ вчера во нов трејлер откри повеќе детали за заминувањето на улогата на Мередит Греј, која 19 сезони ја толкуваше Елен Помпео.
Како што е веќе познато, серијата со оригинално име „Grey’s Anatomy“, која се емитува со години, во новите делови ќе се врати без главниот и многу сакан лик на докторката Мередит Греј.
Во новиот клип од „I’ll Follow the Sun“, Мередит се подготвува да го напушти Греј Слоун и Сиетл додека нејзините пријатели и колеги и приредуваат изненадувачка забава за заминување.
„Понекогаш промената е добра, понекогаш промената е сè. Знаете, веројатно ќе се вратам следната недела“, изјавила Мередит во нејзината последна епизода.

There is truly no one like her. 💙 #GreysAnatomy returns with a heartfelt farewell Feb 23 on ABC & Stream on Hulu! pic.twitter.com/T8ySDdd1fN

— Grey's Anatomy (@GreysABC) January 11, 2023

Фановите можеа да ја препознаат изведбата на „Chasing Cars“, која претходно се користеше за обележување на некои емотивни сцени. Се чини дека песната го навестува конечното раскинување на Мередит и нејзиниот партнер во шоуто во претстојните сцени.

Неодамна во својата објава на Инстаграм истакна дека тука не е крајот на нејзиното појавување во серијата и дека нејзиниот лик дефинитивно има намера повторно да се појави во некои епизоди. Нејзината последна епизода во САД ќе се емитува на 23. февруари.

Фото: Принтскрин/Twitter