ekran платформа за слободоумни
НЕ Е ТАЈНА дека во Америка ги обожуваат камионетите, а силите на редот таму ги сакаат подеднакво.
Не е чуден избор, особено со оглед на неодамна обновениот перформанс на Ford F-150 во „Полициски одговор“. Верувале или не, овој камионет е, според тестовите на државната агенција, најбрзото полициско возило на редот на американските сили.
Новата верзија има зголемена максимална брзина. Имено, порано овој модел можеше да достигне 160 км на час, а сега може да оди и до 197 км на час. А според тестовите спроведени од полицијата во Лос Анџелес и Мичиген, забрзувањето е драстично подобрено, па Форд забрзува 96 км на час за 5,4 секунди, додека за 13,1 секунда ќе достигне 160 км на час, што е најдобар резултат во конкуренцијата од сите полициски возила. Возилото исто така беше тестирано во спринт од четвртина милји, што заврши секунда побрзо од неговиот претходник, за 14,4. секунди.
Под хаубата се наоѓа 3.5 V6 твинтурбо мотор со 400 КС и 678 Nm, споен со 10-степен автоматик и погон на сите тркала. Сите полициски возила добиваат и пакет FX4 за теренско возење.
Ако се вратиме во Европа, полициските сили се уште побрзи. Земји како Германија и особено Италија се во водство тука, каде што често имаат по неколку „спортисти“ како Ламборџини.
Фото: Ford
