Многу нивни познати колеги добро се насмеале на ова генијално видео и во коментари им искажале поддршка поради јавното демантирање на лажните вести.
Еден од омилените холивудски парови, Ештон Качер и Мила Кунис, одлучил да одговори на гласините кои се нашле на насловната страница на американскиот таблоид „In Touch“.
Огромниот наслов „Готово е!“ ги испровоцирал актерите да снимат урнебесно видео како одговор на лажните информации.
„Драга, што се случува?“, ја прашал Ештон сопругата, на што таа одговорила дека е готово помеѓу нив, покажувајќи му ја спорната насловна страница. Парот сатирично почнал да ја исмејува насловната страница, прашувајќи се еден со друг „Што ќе правиме сега?“ и со тоа откриле дека и останатите информации кои се наведени во магазинот – се лажни, како и тоа дека на Мила ѝ припаднале децата и дека се разведуваат поради мрачна тајна на Ештон.
Ештон во описот на видеото напишал: „Изгледа дека е готово, ‘In Touch’, позанимавајте се со продажба на магазинот оваа недела. Можеби наредната недела мојата сопруга ќе носи близнаци. По третпат. Но, кој ги брои…“
Многу нивни познати колеги добро се насмеале на ова генијално видео и во коментари им искажале поддршка поради јавното демантирање на лажните вести.
Инаку, Мила и Ештон се во брак од 2015-та година, а имаат и две деца, 4-годишната Вијат и 2-годишниот Димитри.