ekran платформа за слободоумни
Рибари во Тајландскиот Залив забележале ретка средба со розови делфини, за кои научниците велат дека се осмелуваат во ситуации каде што нема многу туристи, како што е сега заради пандемијата на коронавирус.
На снимката се гледаат три розови делфини кои пливаат во близина на бродот на рибарите во мирните води крај Ко Па Нган, остров во југоисточна Тајланд, пренесува Ројтерс.
„Бев многу импресиониран, затоа што никогаш не замислував дека ќе видам розови делфини“, рекол рибарот Чаот Саедан. Тајландските розови делфини се подвидови на индо-пацифички грбави делфини и се сметаат за загрозен вид од страна на Меѓународната унија за зачувување на природата.
Според директорот на морскиот биолошки центар,Пукет Конгкиат Китиватанвонг, има околу 150 розови делфини кои живеат во Тајландскиот Залив.
„Поради помалку сообраќај како резултат на рестриктивните мерки воведени поради коронавирусот, делфините сега имаат поудобно живеалиште и затоа повеќе се покажуваат“, рекол тој.
Drop in tourism brings out #Thailand's pink dolphins @quad_finn @IrishTimes https://t.co/ra0djbyUK5
— Global News Thailand 🇹🇭 (@GlobalNewsTH) April 28, 2020
