ekran платформа за слободоумни
Калуѓерката од Франција, Лусиле Рандон е најстарата Европејка која преболела ковид-19 само неколку дена пред нејзиниот 117 роденден, пишува Би-Би-Си.
Рандон го земала името Сестра Андре во 1944 .година, а на 16. јануари оваа година, тестирањето покажало дека е позитивна на коронавирус. Таа пред новинарите изјавила дека нема никакви симптоми и дека дури и не знаела дека страда од ковид-19.
Таа веднаш била изолирана од другите жители на еден дом за пензионери во Тулон, Франција, а лекарите веруваат дека целосно се опоравила.
Сестра Андре е слепа и во инвалидска количка, а во четврток,на 11. февруари, ќе го прослави својот 117-ти роденден во присуство на помалку луѓе отколку порано.
„Не се плашам од смртта“
Дејвид Тавела, портпарол на домот за пензионери „Света Катерина Лабоур“, верува дека сестра Андре имала многу среќа.
Тој за новинарите изјавил дека виталната старицата не го прашувала за неговото здравје, туку за своите навики. Таа сакала да знае дали ќе мора да го смени распоредот на оброци и спиење.
„Таа не покажа страв од инфекција или болест, но беше загрижена за другите корисници на домот“, рекол Тавела.
Сестра Андре е родена на 11. февруари 1904. година. Според списокот на суперцентринари од Групата за истражување на геронтологијата (ГРГ), таа е најстариот граѓанин на Европа и втор најстар жител на светот.
На прашањето на француската телевизија БФМ дали се плаши да не биде заразена со корона, таа одговорила – не, додавајќи дека не се плаши да умре, но речкла дека „би сакала да биде на друго место – да се придружи на нејзиниот брат, баба и дедо“.
Фото: Скриншот/YouTube/Realtime1 Notícias
