Бела Хадид, една од најбараните манекенки во моментов во светот, објави неколку фотографии на кои плаче, откривајќи дека често се чувствува несигурно и вознемирено.
Помладата сестра на Џиџи Хадид изјавила дека инспирацијата за објавување фотографии од тежок период во нејзиниот живот дошла кога ќерката на Вил Смит, Вилов, зборувала за сè низ што поминувала.
Бела на Инстаграм сподели серија фотографии на кои плаче, а потоа им се обратила на своите следбеници.
„Вилов, те сакам тебе и твоите зборови. Ме прават да се чувствувам помалку осамена и затоа сакам да го објавам ова. Понекогаш сè што треба да слушнете е дека не сте сами. Затоа ви велам – не сте сами. Сакам да знаете дека секогаш има светла на крајот од тунелот и дека тобоганот секогаш во одреден момент целосно застанува“, напиша меѓу другото познатата манекенка.
Во јануари годинава Бела зборуваше за нејзината борба со тешка депресија и анксиозност уште од тинејџерските години.
Таа признала дека заминала на пауза од социјалните мрежи за да се концентрира на своето ментално здравје.
„Одвојте време за вашето ментално здравје. Секогаш се исплати да го искористите целиот свој потенцијал“, рече тогаш таа.
Фото: Принтскрин/Instagram