ekran платформа за слободоумни
Од памтивек, луѓето се стремат кон некаква популарност. Додека едни се прославиле со својот талент или достигнувања, други избрале некои „покреативни“ начини, а еден од нив, со доцното појавување на телевизија, е да се влезе во кадар додека се прави пренос или известува од терен.
Тоа на виновникот или падобранецот му донесувала „инстант слава“, но се според максимата „дај што ќе дадеш“. Во ерата на интернетот ова го достигна својот максимум бидејќи сите сакаат да станат вирални.
Едно момче станало вирален хит откако неуспешно се обидело да дојде до своите пет минути слава.
Репортерката на „ТВ Фокс“, Жаклин Матер, објавила кратко видео од едно од нејзините јавувања од терен на кое се гледа како момче се појавува зад нејзиниот грб и почнува да вреска мислејќи дека ќе заврши на телевизија.
„Не одиме во живо“, кратко одговорила репортерката, по што момчето малку разочарано и тивко си заминало.
Жаклин видеото го споделила на Твитер, па момчето станало хит, но на социјалните мрежи, а не на телевизија, како што планирал.
Многу корисници на Твитер се насмеале на ова видео, а неколку и упатија комплименти на новинарката за тоа како брилијантно реагирала.
Some people just really love FOX5, am I right? 😂@fox5dc pic.twitter.com/LAS4r59nT0
— Jacqueline Matter (@JMatter_TV) April 7, 2022
Фото: Принтскрин/Twitter
