(ВИДЕО) МИСЛЕЛ ДЕКА КОРОНАТА Е САМО ПРОПАГАНДА, А ПОТОА ГО ДОБИЛ ВИРУСОТ:„Се чувствував како дека ќе умрам!“

Џими Флорес од Аризона мислел дека вирусот корона е само пропаганда, односно само дел од „лажните вести“. Сепак, потоа се заразил.
„Не ми беше грижа за Ковид-19. Тоа беше најчестата шега за нас. Сметавме дека КОВИД е лажна вест и дека младите нема да се заразуваат“.
Сепак, Џими наскоро се заразил и завршил во болница. Тој вели дека таму поминал осум дена.

„Никогаш во животот не помислив дека ќе завршам во болница и дека ќе мора да бидам на кислород. Се чувствував како да умирам“, истакнал тој.
Како што рекол, смета дека се заразил додека излегувал во град, бидејќи забраната за движење во мај била укината во Аризона.
„Јас бев првата личност што ја знаев дека има вирус на корона. Морав да им кажам на луѓето затоа што бев сигурен дека треба да слушнат за некој што има искуство со оваа инфекција“, објаснил тој.

Поради зголемувањето на бројот на ново заразени случаи, рестриктивните мерки во Аризона се обновени, така што се затворени бизниси, односно работат само основните услуги и продавниците.
Поранешниот директор за јавно здравје во Аризона, Вил Хумбл, рекол дека коронавирусот е еден вид на инфекција „што го искористува глупавото однесување на луѓето“ и истакнал дека надлежните органи затоа мора да преземат мерки што би спречиле вакви одлуки.

“Луѓето добиваат резултати од тестот после осум дена, но тоа не е информација со која може да стори нешто. Ако некое лице е заразено со вирусот корона, ја пропуштивте можноста да интервенирате и да ја карантирате таа личност за да не ги заразувате членовите на семејството или колегите на работа”,рекол Хумбл.
Соединетите држави се земја која е најтешко погодена од вирусот корона, а според најновите податоци, заразени се над 3,6 милиони луѓе, а починале 140.150 луѓе.