ekran платформа за слободоумни
По нападот мечката побегнала, а чуварот останал неповреден.
Чуварот во Бугојно во Босна и Херцеговина утрово бил нападнат од мечка, објавено е денеска на Фејсбук страницата на Бугојно. Како што може да се види на видеото кое беше објавено на Фејсбук, мечката била бркана од кучиња и таа побегнала во деловните простории.
На видеото се гледа како чуварот се приближува за да ги растера кучињата, по што мечката трча кон него, чуварот ја удира со нога и потоа паѓа на земја. После тоа, мечката побегнала, а чуварот останал неповреден.
„Мечка утрово нападна чувар во Бинас, според очевидци се’ се случило брзо, за среќа човекот од обезбедувањето минал без посериозни повреди“, објавено е на Фејсбук. Полицијата не добила дојава за инцидентот.
Фото: Принтскрин/YouTube
