Српската актерка Данијела Штајнфелд, која многумина ја паметат по улогата на убавата Мариола во филмот „Ивкова слава“, открила дека ја силувал моќен човек од српската филмска индустрија.
Данијела, која моментно живее во Америка, го режираше својот прв филм „Hold Me Right“, кој премиерно се претстави на Сараевскиот филмски фестивал,а кој зборува за сексуалната злоупотреба и последиците што ги остава на жртвите.
Gepostet von Danijela Stajnfeld am Dienstag, 16. Mai 2017
Како што пренесува Variety, за филмот таа била инспирирана од силувањето кое го доживеала пред неколку години, по што заминала во Соединетите држави. Таа не открила кој ја силувал, туку само дека е моќна личност во српската филмска индустрија.
Таа рекла дека на почетокот нејзиниот план не бил да ја вклучи нејзината приказна во филмот, но дека сепак одлучила да го стори тоа. Таа признала дека се борела со траумата по доаѓањето во САД, но дека и помогнала да зборува за тоа.
“Бев изненаден од фактот дека само тоа што можам да зборувам за тоа ми помага да се чувствувам подобро. Тоа е заздравување. За мене, тоа беше одлично откритие”, рекла таа, додавајќи дека со овој филм сакала да им помогне на другите жртви на силување.