(ВИДЕО) ЕМОТИВЕН МОМЕНТ: Детскиот хор од Чикаго го изненадил Васил со емотивна видео порака

Сите сме во исчекување на песната што Васил Гарванлиев ќе ја исполни на „Евровизија“ како претставник на Македонија…
И’, додека сите го очекуваме настапот на Васил Гарванлиев во првата половина на првото евровизиско полуфинале на 12-ти мај., а конечниот редослед дополнително ќе биде одреден од страна на продуцентите на шоуто, тој добил пријатно видео изненадување.
Детскиот хор од Чикаго, каде што Васил партиципирал од 1999-та до 2003-та година го изненади нашиот евровизиски претставник со прекрасно видео пеејќи ја песната „Татковина“, која специјално била аранжирана за него во 2003-тата година, кога Васил бил депортиран од Соединитите Американски Држави заедно со неговото семејство, понизен момент и голема лекција којашто никогаш нема да ја заборави, како што го опишува Васил овој момент од неговиот живот.
„Да се биде дел од Детскиот хор од Чикаго за мене беше едно од најзначајните животни искуства, каде добив шанса да соработувам, пеам и учам од најдобрите, но и да ги стекнам најзначајните животни вредности, дисциплина, морал, извонредност во перформансите, но и да размислувам за очекувањата, целите и секогаш да настапувам со отворено срце“, рече Васил.