Во судир на 12 возила вчеравечер во провинцијата Хатај на југот на Турција загинале најмалку 12 лица, а 31 лице биле повредени, од кои три потешко, соопштија локалните власти. Несреќата се случила откако возачот на камионот изгубил контрола над возилото и преминал на спротивната лента, при што се судрил со девет автомобили и два минибуса, јавила државната новинска агенција Анадолу.
Многу возила биле паркирани покрај патот во близина на бензинската пумпа додека пријателите и роднините се збогувале со мажите кои заминувале на служење на воен рок.
A truck crash in #Topboğazı has killed at least 12 people with 31 left injured. It’s being reported the driver lost control hitting 9 cars and 2 minibus’s. A lot of the victims were men leaving for mandatory military service in #Hatay #Turkey #truckcrash pic.twitter.com/wP6FiI0oAL
— 𝙰𝚒 𝙽𝚎𝚠𝚜 𝚁𝚎𝚙𝚘𝚛𝚝 (@AiNewsReport) May 7, 2023
Министерот за здравство Фахретин Коџа изјавил дека пожарите избувнале на автопатот Искендерун-Антакија. Министерот на Твитер објавил дека на местото на настанот во Топбогазли се испратени 22 амбулантни возила и три спасувачки екипи.
Покраината погодена од земјотресот
„Господ да им се смилува на нашите граѓани кои ги загубија животите, им изразувам сочувство на нивните блиски“, напишал тој на Твитер. „Ќе дадеме се од себе за да им го вратиме здравјето на повредените што е можно поскоро“.
#sondakika asker uğurlama eğlencesine freni boşalan kamyon faciaya sebep oldu.#Topboğazı da kaza meydana geldi.
İlk gelen bilgilere göre 6 can kaybı 32 yaralı var.#hatay pic.twitter.com/KiqdlDqIGY— OZAN ÖZTÜRK (@ozanozturk_tr) May 6, 2023
Хатај беше една од најтешко погодените турски провинции во земјотресот на 6 февруари што уништи делови од Турција и Сирија. Најмалку 50.783 починале во Турција, според владините бројки.
Приватната новинска агенција „Демирорен“ објавила дека камионот носел урнатини од земјотресот и дека удрил во друг камион пред да го премине автопатот околу 16 часот по локално време. Сведокот Али Сарач изјавил дека некои од починатите изгореле, јавува Анадолија. Сликите покажуваат запалени возила додека екипите за итни случаи се обидуваат да ги задржат луѓето подалеку од пламенот.
Фото: Принтскрин/Twitter