Дуелот на два спортски ривали завршил без победник – Мерцедес удрил во Ауди.
Два суперспортски автомобили со над 600 КС, празен паркинг и премногу слободно време, што може да тргне наопаку? Ако возачите се заиграат и немаат искуство, во најблаг случај ќе завршат со материјална штета.
И додека во вакви случаи вообичаено сме сведоци дека автомобилот премногу се занесува при „дрифтање“ и завршува во бандера или на работ на тротоарот, тука случајот е многу полош. На видеото се гледа како Mercedes E63 силно се лизга на празен паркинг поради премногу гас, каде што има само едно исто толку вредно Audi.
Судејќи по снимката, во исто време возачот на Ауди почнал да се лизга, но не успеал да стигне далеку. Му се испречил на Мерцедес чиј возач не го забележал навреме. Доаѓа до прилично силен удар поради кој двата автомобили ќе мора да поминат низ скап сервис.
Судејќи по епилогот, среќата во несреќата е што овие двајца очигледно невнимателни возачи не се решиле да ги усовршат своите возачки способности на јавните патишта. Последиците тогаш би можеле да бидат значително полоши од стутканиот лим.
Фото: Принтскрин/YouTube