За многумина ДИЗНИЛЕНД е идеалното место за запросување девојка или момче, но еден пар се нашол во прилично уникатна ситуација. Имено, во видео кое деновиве кружи на Инстаграм, една девојка решила да го запроси своето момче, но не знаела дека тој има идентичен план.
Девојката клекнала пред момчето и го извадила прстенот, а тој „пукнал“ од смеење и потоа го извадил прстенот и клекнал пред неа. Парот потоа рекол „Да“, се гушнале, бакнувале, со громогласна поддршка од нивните пријатели кои биле со нив, а цело време делувале со неверување дека нивните планови се испреплетени.
View this post on Instagram
Видеото стана голем хит на Инстаграм и досега собра 414 илјади лајкови и илјадници коментари, а во продолжение ќе одбереме само неколку.
„Тие навистина се сродни души“, „Создадени се една за друга“, „Ова е една од најсилните сцени досега“, „Ова е добар знак дека ќе имаат добар живот“, „Ми го разубавија денот“, се само неколку од коментарите под видеото.
Фото: Принтскрин/Instagram