Брус Вилис ја прослави 34-годишнината од првиот филм од серијата „Умри машки“ (1988), во кој го играше детективот Џон Меклејн, со посета на облакодерот „Фокс Плаза“ во Лос Анџелес.
Тој облакодер во филмот служел како локација за деловната зграда „Накатоми Плаза“. Со оваа посета Вилис го прекрши ветувањето на Меклејн во филмот, кој рече дека „не би помислил повторно да се искачи на толку висока зграда“.
Снимката од актерот како се потпира на оградата на врвот на облакодер, ја сподели на Инстаграм неговата сопруга Ема Хеминг Вилис.
View this post on Instagram
На крајот на март оваа година, Брус Вилис објави дека го напушта актерството поради афазија, болест која им отежнува на заболените да ја обработат или изразат вербалната и писмената комуникација. Минатиот месец актерот беше фотографиран во Лос Анџелес со сопругата, која на својот Инстаграм профил се’ почесто споделува спомени од неговата богата кариера.
Фото: Принтскрин/Instagram