ekran платформа за слободоумни
Новиот трејлер за контроверзниот филм за војводата и војвотката од Сасекс – „Хари и Меган: Бегство од палатата“, на својот профил на Инстаграм го објави актерката Сидни Мортон, која ја игра Меган Маркл.
На видеото се гледа како Хари, кого го игра Џордан Дин, ја теши Меган и коментира за начинот на кој медиумите се однесуваат кон неа: „Гледам дека буквално те прогонуваат и јас сум беспомошен, не можам да го спречам тоа“.
„Јас сум личност која е силна и ги правам вистинските работи. Не можам да те изгубам“, одговара Меган или Сидни.
На видеото се гледа и парот како го „оживува“ интервјуто со Опра Винфри, во кое Меган тврди дека членовите на кралското семејство „разговарале со Хари за фактот дека нивниот син Арчи може да има темна кожа кога ќе се роди“.
Актерката Сидни Мортон искуството од снимањето на овој контроверзен филм претходно го нарекла „диво возење“ во продукцијата на „Lifetimea“ по реакцијата на јавноста во врска со кастингот.
Имено, кога беше откриено кој ќе ги игра принцот Хари и Меган Маркл, многу луѓе не го криеја разочарувањето на социјалните мрежи, тврдејќи дека актерите дури и не изгледаат како вистинските војвода и војвотка.
Фото: Принтскрин/Instagram
