Дојде и тој момент…После две години натпревари, поради пандемијата, вечерва ќе се одржи полуфиналето на „Ѕвездите на Гранд“ а во него и македонски изведуваи кои и тоа како го свртеа вниманието на себе…
Оваа година, има претставници од целиот регион, како и од Македонија.
Марија Груевска која е под менторство на Александар Милиќ Мили вечерва ќе се бори за влез во финалето.
По тој повод, таа се огласи на „Инстаграм“.
„24 јуни, полуфинале – „Ѕвездите на Гранд“, напиша Груевска покрај фотографија на која е облечена во модна комбинација за полуфиналната вечер.
Исто така, и Мите Стоилков кој е под менторство на Вики Миљковиќ ќе настапи вечерва и ќе даде се од себе за да влезе во финалната вечер.
„Драги мои.Полека но сигурно пристигнавме и до полуфинале!!! Многу сум задоволен од мојот досегашен успех во музичкото шоу ‘Ѕвездите на Гранд’. Утре ќе имате можност да го проследите премиерното издание на полуфиналната вечер и да го погледнете и слушнете мојот настап. Се надевам дека ќе бидете позитивно изненадени“, напиша Мите на Инстаграм.
Инаку, полуфиналето ќе може да го гледате вечерва во 22. часот на Канал 5 телевизија. Финалето ќе биде во сабота, а за победникот ќе одлучува публиката.
Фото: Принтскрин/Instagram