Некако ни стана нормално кога станува збор за фестивал во преден план да се организаторите, нивните имиња, нивните активности, па колку напорно работеле….и да не набројуваме…но „Андерфест“ покрај тоа што внесе многу иновации на македонската музичка сцена се разликува и по тој сегмент.
Со години сакавме да откриеме кој стои зад овој фестивал но успевавме само да дознаеме дека станува збор за ентузијасти и вљубеници во музиката, на кои примарен им е фестивалот и младите бендови. Се’ до оваа годиа, после 4. издание на фестивалот кога Бојан Трпески ни одговори на неколку прашања…
Кои беа амбициите кога пред 4 години го планиравте „Андерфест“?
– Амбициите ни беа да создадеме еден фестивал кој ќе биде поинаков, кој ќе го цени креативниот труд и ќе им биде близок на сите „потценети”сите прогресивни и авангардни млади луѓе и изведувачи. Да им отстапиме простор на сите оние кои преку музиката имаат што да кажат и да им овозможиме да ја пренесат својата порака на публиката. Исто така од самиот почеток Андерфест го замислувавме како фестивал што ќе трае односно ќе биде традиционален и еве четири години подоцна таа замисла се остварува и веќе започнуваме со подготовките за јубилејното петто издание
Факт е дека од година во година фестивалот е се попопуларен меѓу младите бендови. На што се должи тоа?
– Тоа се должи пред се на доследноста на „Андерфест“ во својата примарна цел, а тоа е да биде фестивал кој дава шанса за настап и промоција на сите млади изведувачи со што ги мотивираме да продолжат да творат бидејќи знаат дека ќе бидат слушнати и видени преку Андерфест.
View this post on Instagram
По непрофесионалното откажување на настапот на Андреа имавте многу барања од младите бендови за настапи?
– Точно така, по нејзиното откажување имавме огромен број на барања за настап.„Андерфест“ е фестивал кој не сака „звезди” и почитува посветеност, принципи и вредности. Почитува напорна работа и целодневни проби за да се дојде до совршенство. Пресреќни сме што Yon Idy, Вселенаутика, Манас, Преку Ред и Димиш со своите настапи успеаа да го потврдат тоа, што најдобро се гледа по тоа како беа прифатени од публиката.