ekran платформа за слободоумни
Црвената коса веднаш ја одделува од другите а кога ќе слушнете како свири уште повеќе ќе заклучите дека е посебна.
Името и е Александра и има 19. години. Гитара свири 10. години, а има завршено основно и средно музичко образование по гитара. Во моментов е студент на одделот за класична гитара на Факултетот за музичка уметност во Скопје. Потекнува од музичко семејство и имала голема љубов кон гитарата и музиката уште од дете.
View this post on Instagram
„Гитарата е мојата втора половина и мој највисок приоритет и избор на живот. Досега имав многу солистички концерти и награди на многу натпревари, пред две години настапив со солистички концерт на престижниот ‘Сараевски зимски фестивал’ во Сараево каде настапуваат најдобрите уметници од целиот свет, а во 2019 година настапив на престижниот Клавие Куќа во Њујорк, голем предизвик и успех за мене. Покрај класичната музика што ја учам и изведувам, во мојот приватен живот од рана возраст слушам метал и рок музика. За мене беше предизвик да започнам со сопствени аранжмани и да ја учам и унапредувам техниката ‘Фингерстил’ на познатите рок и метал песни што ги слушам. Моите идни планови се да направам цел албум ‘на прсти’ со мои аранжмани на познати песни. Работам и на моите композиции, кои се надевам дека ќе ги објавам наскоро“, ни рече Александра пред која очигледно е добра иднина.
Фото: Принтскрин/Youtube
