113. годишна жена, за која многумина веруваат дека е најстарата личност во Шпанија, се опоравила од заразата со новиот вид на корона вирус, соопштиле од нејзиниот старечки дом.
На Марија Брануас корона вирусот и бил дијагностициран во април и престојувала во својата соба, во самоизолација, пишува DW.
„Преживеа и се опоравува“, рекла портпаролката на Домот за стари лица и болните.
„Сега се чувствува добро. Таа направи тест минатата недела и беше негативен за коронавирусот“, додала таа.
„Среќна сум што сум здрава“
Во видеото прикажано на шпанскиот канал ТВ3, Брануас изјавила дека сега е среќна што е здрава и го опишала домашниот персонал како „многу љубезен и многу внимателен“.
Неколку други жители на истиот дом,во шпанскиот град Олот, починале од Ковид-19.
Брануас не е единствениот стогодишник што го победила новиот вид на коронавирус. Минатиот месец, 106-годишната Кони Титчен била отпуштена од болница во Велика Британија, откако ја совладала инфекцијата.