Вечерва со почеток во 20:00 часот на градскиот плоштад во Куманово ќе се одржи 11от Фестивал на новосоздадена македонска народна шегобијна песна „Тумба Фест“.
На истиот ќе бидат промовирани 21 нови шегобијни песни, кои ќе бидат отпеани на различни дијалекти (кумановски, струшки, битолски) што е и одлика на овој традиционален фестивал.
На овогодинешниот „Тумба Фест“ ќе настапат многу познати имиња од домашната естрада и тоа: Благица Павловска, Нино Величковски, Круме Спасовски, Атина Апостолова, Петар Нечовски, Ирена Спасовска и многу други.