Вечерва е големото финале на „Песна на Евровизија 2022“

Вечерва ќе го дознаеме победникот на Евровизија 2022! 25. земји ќе се натпреваруваат за трофејот и честа да бидат домаќини на „Евровизија 2023“. Погледнете ги сите детали, песни и што да очекувате од вечерашното големо финале
Вечерва завршува 66-тото издание на Изборот за песна на Евровизија. Ќе се натпреваруваат 25. песни, а по 4 часа музика, настапи, забава и возбуда ќе го знаеме победникот на Евровизија 2022 година.

Шоуто започнува во 21:00 часот по средноевропско време, во живо од Пала Олимпико Арена во Торино, Италија и може да се следи на МРТ но и неколку кабелски канали. Домаќини се Мика, Лаура Паузини и Алесандро Кателан.

Резултати од жирито
Секоја од 40-те земји учеснички на Евровизија 2022 има жири кое одлучува за половина од резултатот. Поените на жирито ги дава презентер од секоја земја, каде само 12-те поени ќе бидат објавени усно.

Резултати од телегласување
Сите телегласови од 40-те земји се здружени и објавени за секоја земја примател. Почнувајќи од земјата со помалку поени од жирито.

Гласање
Процедурата на гласање ќе биде иста како и претходните пет години. Секоја земја ќе има два сета од 1,2,3,4,5,6,7,8,10 и 12 поени. Еден сет за жирито на секоја земја и еден сет за телевоутингот на секоја земја.

Секоја од 40-те земји учеснички на Евровизија оваа година ќе гласа
Секоја земја има национално жири кое даде еден сет од 1,2,3,4,5,6,7,8,10 и 12 поени
Секоја земја ќе има телевоутинг што исто така резултира со збир од 1,2,3,4,5,6,7,8,10 и 12 поени
Прво, поените од жирито ќе бидат презентирани поединечно од страна на портпарол од секоја земја
Второ, поените од телевоутинг ќе бидат здружени и дадени комбинирани
Гласовите од телевоутингот и националните жирија имаат еднаква тежина во гласањето
Националните жири комисии гласаа вчера вечерта (петок, 13 мај) за време на втората генерална проба
Ако две земји имаат исти поени, комбинираниот резултат на националното телевоутинг и жирито ќе се пресметува само за да се решат нерешени ситуации. Најдобрата од двете е песната која ќе добие највисоки поени (12) од најголем број земји од комбинираното национално телевоутинг и пресметката на жирито.
Набргу по големото финале ќе бидат откриени деталните резултати, гласањето и бодовите.

На сцената на Пала Олимпико Арена ќе се појават минатогодишните победници Манескин, Џиљола Чинквети, Мика а ќе има и танцување.

Според кладилниците украинските претставници се уште се главни фаворити, но на високо место е и српската претставничка Констракта.

Фото: Принтскрин/eurovisionworld