Сонце или дожд: Какво време не очекува во наредните 5. дена?

Темните облаци и дождот ни ја нарушија сончевата опуштеност…УХМР најавува какво време не очекува во наредните 5 дена…
Денес (петок) ќе биде променливо облачно и посвежо со сончеви периоди. На места ќе има локален пороен дожд и грмежи. Кон крајот на денот врнежите ќе престанат. Ќе дува умерен, а попладне вдолж Повардарието и во источните делови засилен ветер претежно од северозападен правец. Дневните температури ќе се движат од 17. до 28. степени.
За утре (сабота) се најавува сончево со мала до умерена локална облачност и со слаб до умерен ветер од северозападен правец. Утринските температури ќе се движат од 5 до 14. степени, а дневните од 19. до 26. степени.
Во недела се најавува променливо облачно, кон крајот на денот и во текот на ноќта со локален повремен дожд. Ќе дува слаб до умерен ветер од северозападен правец. Минимална температура: 5°C до 13°C.
Максимална температура: 21°C до 28°C.
Во понеделник ќе биде претежно облачно со повремени врнежи од дожд со променлив интензитет. Ќе дува слаб до умерен ветер од југоисточен правец. Минимална температура: 6°C до 13°C. Максимална температура: 20°C до 26°C.
За вторник се најавува променливо облачно, на места нестабилно со повремен пороен дожд и локална појава на грмежи. Минимална температура: 7°C до 14°C. Максимална температура: 19°C до 25°C.