Секојдневниот стрес може да биде нормален, но и знак за нешто сериозно, велат експертите!

СТРЕСОТ е „нормален човечки одговор на нешто што ја оптоварува личноста физички или емоционално“, вели др. Гејл Салц, вонреден професор по психијатрија во Њујоршката презвитеријанска болница во Њујорк.
Ова е секојдневна појава за повеќето луѓе, но премногу стрес може да биде знак дека се вклучени некои подлабоки прашања.
„Акутниот стрес, кој се јавува во одреден момент во краток временски период, може да биде корисен во справувањето со одредена ситуација“, вели др. Синтија Акрил, сертифициран едукатор за управување со стрес.
„Во тие моменти, пулсот и дишењето ви се забрзуваат“, рекла таа. „Хроничниот стрес се јавува откако системот на телото повторно ќе се активира“.
Стресот сам по себе не е лош, но може да стане токсичен кога не исчезнува откако ќе помине некоја стресна ситуација, рекла Акрил.

Ситуации кога стресот укажува на нешто посериозно
Може да биде тешко да се одреди кога стресот преминува во нешто посериозно како што се анксиозност и депресија. „Ако грижите се наметливи надвор од стресна ситуација, тоа е анксиозност“, вели Акрил. „Ако тагата е расположение што не можете да го промените надвор од ситуацијата, тоа е депресија“.
„Стресот сам по себе не е психијатриска состојба“, вели Салц, но може да ги влоши другите ментални состојби како депресија и опсесивно-компулсивно растројство.
„Тоа исто така може да биде знак за општо анксиозно растројство, кое се карактеризира со најмалку шест месеци прекумерна грижа, меѓу другите симптоми“, вели психологот Др. Алфи Бреланд-Нобл.
„Некои вообичаени симптоми вклучуваат проблеми со спиењето, немир и потешкотии со концентрирањето. Од друга страна, ако вашиот стрес се реши откако ситуацијата ќе помине и можете да функционирате на вашето оптимално ниво на работа и на училиште, тоа би можело да биде токму тоа – стресот“, рекла Салц.
Ако се сомневате дека имате хроничен стрес или некое друго ментално нарушување, Бреланд-Нобл ве советува да побарате помош од професионалец за ментално здравје.

Техники за брзо ослободување од стрес
„Некои луѓе можат да најдат ослободување од стресот со аеробни вежби“, вели Салц, „како што е триесет минути активност за да го зголемите пулсот“.
„Една од најстарите и наједноставните техники која се практикува е дишењето“, објаснува Акрил. „Ставете ја раката на стомакот и видете дали можете да вдишете за да ви се спушти дијафрагмата и да се подигне таа рака на стомакот“, објаснила таа.
„Кога го успорувате дишењето и се фокусирате навнатре, тоа испраќа сигнали до вашиот мозок дека сте добро“, објаснува Акрил, а пишува Си-Ен-Ен.