Сеќавање: на денешен ден почина нашиот познат естраден уметник Стево Теодосиевски

Стево Теодосиевски е роден на 16 април 1924 година во Кочани. Тој беше познат македонски естраден уметник, музички педагог и хуманист.

На почетокот на 1950-тите години работи како корепетитор на програмата на Радио Скопје. Во 1954 година ја запознава Есма Реџепова која подоцна ќе му стане животна сопатничка. Во периодот од 1960 до 1989 година Стево и Есма Теодосиевски живеат и работат во Белград, а потоа се враќаат во Скопје. Низ нивниот дом поминале 47 деца кои биле израснати и воспитани во традиционален дух достојно да ги наследат своите родители.


Ансамблот „Теодосиевски“ има одржано повеќе од 20.000 концерти, од кои околу 2.000 хуманитарни, има издадено 108 сингл плочи, 20 лонг – плеј плочи, 32 аудио касети, 15 компакт дискови, 6 видео касети и има снимено 12 емисии од по 30 минути за МРТВ.

Добитник на многу награди и признанија:


-Октомвриска награда на Југославија;
-Сребрен и златен медал од Претседателот на СФРЈ, Јосип Броз Тито;
-Сребрен медал од Црвениот крст на Црна Гора;
-Златен медал за хуманист во Босна и Херцеговина;
-Златен медал на Црвен крст на Југославија;
-Награда на УНИЦЕФ на Југославија;
-Награда за животно дело на Србија и Црна Гора;
-Златен медал “22 декември”, Југославија;
-Наградата на град Скопје “13 Ноември“ од областа на културата и уметноста.

Стево Теодосиевски почина во Скопје на 9 април 1997 година.


©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Концерт на „Мојра“ – џез на кирилица

Вечерва во рамките на фестивалот за литература и општа култура Видик, со почеток во 21:00 …