Сеќавање: Две години без нашиот актер Славиша Кајевски

Славиша Кајевски беше роден во Скопје на 1 февруари 1982 година. Македонски театарски, филмски и телевизиски глумец.

Дипломирал на Универзитетот „Св. Кирил и Методиј“ на Факултетот за драмски уметности, Скопје, на отсекот за актерска игра, во класата на проф. Владимир Милчин, во 2005 година. Од 2010 година, па се до својата смрт, работи во Македонскиот народен театар – Скопје.


Ги остварил следниве тетарски улоги:

– Клег (Бесачи, 2019), автор: Мартин Мекдона, режисер: Јавор Грдев, продукција: Македонски народен театар;
– Ленокс (Макбет, 2019), автор: Вилијам Шекспир, режисер: Нела Витошевиќ, продукција: Македонски народен театар;
– Семјон Семјонович Медведенко (Галеб, 2018), автор: Антон Павлович Чехов, режисер: Нина Николиќ, продукција: Македонски народен театар;
– Миле Прлиќ (Ничија земја, 2017), автор: Данис Тановиќ, Александар Морфов, режисер: Александар Морфов, продукција: Македонски народен театар;
– Императорот (Авантурите на Аладин, 2017), адаптација, драматизација и режија: Бојан Трифуновски, продукција: Македонски народен театар;
– Еснафот (Силјан штркот шанца, 2016), автор: Дејан Дуковски, режисер: Срѓан Јаниќијевиќ, продукција: Македонски народен театар;
– Таткото (Соларис, 2016), автор: Станислав Лем, режисер: Андриј Жолдак, продукција: Македонски народен театар;
– Сергеј Александрович (Животот е прекрасен, 2015), автор: Николај Ердман, режисер: Александар Морфов, продукција: Македонски народен театар;
– Првиот патник (Тероризам, 2015), автори: Владимир и Олег Пресњаков, режисер: Јордан Симонов, продукција: Македонски народен театар;
– Агамемнон, Еврипид (Електра, 2014), автори: Есхил, Софокле, Еврипид и Жан – Пол Сартр, режисер: Андриј Жолдак, продукција: Македонски народен театар;
– Таткото Тил (Сината птица, 2014), автор: Морис Метерлинк, режисер: Златко Славенски, продукција: Македонски народен театар;
– Озрик, Цар Едип (Аферата Елсинор, 2014), автор и режисер: Љубиша Георгиевски, продукција: Македонски народен театар;
– Далај Баба (Евангелие на глупоста/Далај Мама, 2014), автор и режисер: Љубиша Георгиевски, продукција: Драмскиот театар – Скопје;
– Готфрид Најцзекер (Вечната куќа, 2013), автор: Јордан Плевнеш, режисер: Дејан Пројковски, продукција: Македонски народен театар;
– Грен (Подемот и падот на кабарето, 2013), автор: Артур Шницлер, режисер: Владимир Милчин, продукција: Македонски народен театар;
– (Декамерон, 2012), автор: Џовани Бокачо, режисер: Боњо Лунгов, продукција: Македoнски народен театар;
– (Животот е сон, 2012), автор: Педро де ла Барка Калдерон, режисер: Владо Цветановски, продукција: Македoнски народен театар;
– Јован и Анѓеле (Парите се отепувачка, 2011), автор: Ристо Крле, режисер: Бојан Трифуновски, продукција: Македoнски народен театар;
– Корубин (Свадбата на Фигаро, 2011), автор: Пјер Бомаше, режисер: Леван Цуладзе, продукција: Македoнски народен театар;
– Тибалт (Ромео и Џулиета, 2011), автор: Вилијам Шекспир, режисер: Лили Абаџиева, продукција: Македoнски народен театар;
– Феѓка (Бесови, 2011), автор: Фјодор Михајлович Достоевски, режисер: Златко Славенски, продукција: Македoнски народен театар;
– Ангел (Немој ти мене Фауст, 2010), автор и режисер: Срѓан Јаниќијевиќ, продукција: Македoнски народен театар;
– Александар (Троил и Кресида, 2010), автор: Вилијам Шекспир, режисер: Љубиша Ристиќ, продукција: Македонски народен театар;
– Темелко (Суд, 2010), автор: Коле Чашуле, режисер: Љупчо Ѓоргиевски, продукција: Македонски народен театар;
– Нипер (Класен непријател, 2010), автор: Најџел Вилијамс, режисер: Васил Христов;
– Џуџето Спанко, Ивица и Мачето (Брод за кукли, 2010), автор: Милена Марковиќ, режисер: Нела Витошевиќ, продукција: Wonderland Theatre, Скопје;
– (Буре Барут, 2010), автор: Дејан Дуковски, режисер: Сашо Миленковски, продукција: Македонски народен театар;
– (Сомнително лице, 2009), автор: Бранислав Нушиќ, режисер: Синиша Евтимов, продукција: Македонски народен театар;
– (Темпирена опера, 2009), автори: Бертолт Брехт и Ентони Барџис, режисер: Васил Христов, продукција: Македонски народен театар;
– Николче (Лет во три глави, 2009), автор: Загорка Поп – Антоска Андовска, режисер: Никола Ристов, продукција: Македoнски народен театар;
– Рака (Госпоѓа Министерка, 2009), автор: Бранислав Нушиќ, режисер: Наташа Поплавска, продукција: Македoнски народен театар;
– Џими (Вејка на ветрот, 2008), автор: Коле Чашуле, режисер: Нела Витошевиќ, продукција: Македoнски народен театар;
– Гласник (Мара/САД, 2008), автор: Петер Вајс, режисер: Васил Христов, продукција: Македoнски народен театар;
– Маро Мароев (Дундо Марое, 2008), автор: Марин Држиќ, режисер: Драгана Милошевска – Попова, продукција: Македoнски народен театар;
– Морис (Дракула, 2008), автор: Дејан Дуковски, режисер: Срѓан Јаниќијевиќ, продукција: Македoнски народен театар;
– Дени (Чикашки перверзии, 2007), автор: Дејвид Мамет, режисер: Нела Витошевиќ, продукција: Драмски театар, Скопје;
– Мистер Оранж – Фреди (Касапски кучиња, 2007), автор: Квентин Тарантино, продукција: Драмски театар – Скопје;
– (Ревизор, 2006), автор: Николај Васиљевич Гогољ, режисер: Владимир Милчин, продукција: Македонски народен театар;
– Ејлерт Левборг (Хеда Габлер, 2006), автор: Хенрик Ибсен;
– Калигула (Калигула, 2005), автор: Албер Ками, режисер: Николче Ристевски – дипломска претстава ФДУ;
– Водопјанов (Контаминација Кољада, 2005) режисер: Владимир Милчин – дипломска претстава ФДУ;
– (One for the road, 2004), автор: Харолд Пинтер, режисер: Нела Витошевиќ;
– (Палата на соништата, 2004), автор: Исмаил Кадаре, режисер: Владимир Милчин, продукција: Theatre La Fleche;
– (Карван Сарај, 2003), автор: Сема Али, режисери: Мартин Кочовски и Иван Јерчиќ, продукција: Народен театар “Војдан Чернодрински” – Прилеп.


Филмски улоги:

– Фантом (Хомо, 2020), режисер: Игор Иванов – Изи;
– Ендри Гомез (Baaghi 3, 2020), режисер: Ахмед Кан;
– Сурла (Еј, 2018), автор и режисер: Васил Христов;
– Пики (Црвената соба, краткометражен филм, 2016), режисер: Косара Митиќ;
– Павел Киров (Последните Македонци, 2015), режисер: Илија Пиперковски;
– (Намини бар еднаш, кратокометражен филм, 2013), режисер: Косара Матиќ;
– Гласот (Скопје Ремиксд, 2012);
– Малиот (Ова не е американски филм, 2011), режисер: Сашо Павловски;
– Јане (Некои поинакви приказни, 2010), режисер: Марија Џиџева;
– Јане (Стапица, ТВ филм, 2007), режисер: Аљоша Симјановски;
– Павел (Превртено, 2007), режисер: Игор Иванов;
– Третиот комита (Пусто турско, ТВ филм, 2006, ), режисер: Коле Ангеловски;
– Првиот војник (Караула, 2006), режисер: Рајко Грлиќ;
– Момчето со маска (Бал-кан-кан, 2005), режисер: Дарко Митревски;


Добитник е на голем број на награди и признанија:

– Награда на меѓународен фестивал на филмови од централна и источна Европа „CinEast“, Луксембург, 2014;
– Награда на филмски фестивал „Јасуџиро Озу“, Болоња, Италија, 2014;
– Награда на филмски фестивал „Other Movie“, Лугано, Швајцарија, 2014;
– Награда на еурошортс – меѓународен филмски фестивал, Полска, 2013;
– Награда на фестивал „Cinema de mare“, Италија, 2013;
– Награда АМФИ 2011 г. – Актер со најмногу одиграни претстави на матичната сцена;
– Награда АМФИ 2012 г. – Актер со најмногу одиграни претстави на матичната сцена;
– Награда АМФИ 2013 г. – Актер со најмногу одиграни претстави на матичната сцена.

Починал на 2 декември 2021 година во Скопје на 39-годишна возраст.

©EKRAN.MK Вестите на интернет страницата на редакцијата ЕКРАН.мк може да се користат исклучиво за лично информирање. Без писмена дозвола од ЕКРАН или посебен договор, не е дозволено превземање, користење или реемитување на вестите, во спротивно ќе уследи фактурирање на име „плагијат“ во вредност од 20.000 денари.

Видете следно

Костадиновска-Стојчевска: Го враќаме симболот на Скопје – Универзалната сала

Министерката за култура Бисера Костадиновска-Стојчевска денеска ги најави градежните активности за реконструкција и адаптација на …