РОЛАТИ СО ШУНКА И СИРЕЊЕ: Рецепт за супер закуска

Уживајте во овие неодоливи ролати со шунка и сирење — меки, миризливи и совршени за секоја пригода! Подготовката е едноставна, а резултатот се златно печени, подуени ролати кои ќе ги освојат дури и најпребирливите вкусови.
Состојки:
2 лажици сув квасец
1 лажичка шеќер
1 чаша топло млеко
1/2 чаша масло
3 јајца
4 чаши брашно (приближно)
сол по вкус
1 жолчка од јајце за премачкување
300 г шунка (сечена на ленти или коцки)
400 г рендано моцарела сирење
Подготовка:
Во голем сад измешајте ги квасецот, шеќерот и топлото млеко. Додадете ги јајцата и маслото, а потоа постепено додавајте брашно и сол. Месете го тестото додека не стане мазно, меко и не се лепи за рацете. Покријте го тестото со пластична фолија и оставете го да отстои на топло место околу 1 час, или додека не се дуплира во големина. Поделете го нараснатото тесто на четири дела. Секој дел расукајте го во правоаголник на набрашнета површина. Исечете широки ленти, ставете малку шунка и сирење во средината на секоја, потоа завиткајте во ролни, добро запечатувајќи ги краевите. Наредете ги на намастен или плех обложен со хартија за печење. Премачкајте ги со изматена жолчка од јајце. Печете во претходно загреана рерна на 180°C околу 25-30 минути, додека не поруменат.
Совет:
Можете да го прилагодите филот по ваш вкус — наместо шунка, пробајте пилешко, колбас, рикота или сушени домати.

Уживајте!

Фото: Принтскрин/novosti