(РЕЦЕПТ) ЗАПЕЧЕНИ ТИКВИКИ СО ДОМАТИ И КАШКАВАЛ: Едвај дочекавме овој зеленчук да стигне на пазарот за да се храниме ПОЗДРАВО!

Одличен и здрав пролетен и летен оброк. Искористете ја сезоната на тиквички и домати, која ќе биде цело лето.
Состојки:
4 тиквички
4 домати
150 гр кисела павлака
200 гр кашкавал (било кое жолто сирење)
2 чешниња лук
малку масло
сол, бибер
свеж магдонос
свеж копар
Подготовка:

1. Доматите и тиквичките се мијат и се сечат ма кругови, па се посолуваат и се оставаат десетина минути.
2. Огноотпорниот сад се премачкува со масло, па се редат тиквичките, па доматот. Посипете сè со магдонос и копар, по вкус.
3. Лукот се сече на ситни парчиња, па се меша со павлаката и се посолува малку. Промешајте, па премачкајте ги тиквичките и доматите.
4. Кашкавалот се ренда, па се посипува врз подготвеното јадење.
5. Се пече во рерна на 180 степени, околу 45 минути.
Пријатно!