Прво прскање против комарци во Скопје

Градот Скопје ги известува граѓаните дека на 13.04.2023 година ќе започне првата фаза од дезинсекцијата на подрачјето на градот Скопје против лаври од комарци, односно:

1. Авионската дезинсекција (прва фаза) на подрачјето на градот Скопје, против ларви од комарци, ќе се реализира на 13.04.2023 (четврток), во раните утрински часови.

2. Терестричната дезинсекција (прва фаза) на подрачјето на градот Скопје, против ларви од комарци, ќе се реализира на 13.04.2023 (четврток), во текот на денот.

   Доколку временските услови не го дозволуваат вршењето на дезинсекцијата, ќе се прска првиот нареден ден, кога  ќе бидат поволни временските услови, во истиот термин.

Се известуваат пчеларите навреме да ги преземат потребните мерки за заштита на пчелите.