Пози и гестови кои ве прават непривлечни

Говорот на телото во многу ситуации е поважен од шминката, облеката, па дури и зборовите. Преку него луѓето најлесно формираат слика за нас.

Па, ако се водите по навиките на шармантните и секогаш привлечните луѓе, ќе откриете дека тие никогаш не ги практикуваат следниве 12 пози и гестови:

1. Раката свиткана зад грб

На овој начин давате силни негативни сигнали, бидејќи луѓето ве перципираат како да имате зли, задни намери.

2. Прекрстени зглобови на нозете

Превитканите стапала едно преку друго се знак на несигурност дека не знаете за што станува збор во ситуацијата во која се наоѓате.

3. Преплетени прсти

Силно притиснатите преплетени прсти се знак дека не се согласувате со соговорникот и дека повеќе си давате себеси на значење, отколку на него.

4. Поткренати дланки со споени прсти

Мала варијација на минатата поза, која е уште понегативна. Колку повисоко ги кревате рацете – толку повеќе сакате да се сокриете зад нив.

5. Подгрбавено и гласно одење

Лошото држење на телото никогаш не е позитивен знак, а ако е проследено со гласни чекори на пета, делувате беспомошно и безволно.

6. Притисната „кисела“ насмевка

Оваа кисела насмевка за многумина е навика, без да знаат дека другите ја перципираат иронично, па така делувате како човек без доверба.

Листата продолжува на сле

7. Една дланка испружена нанапред

Со овој знак испраќате порака „престани да зборуваш“ и е посебно лош избор доколку се наоѓате среде важни дискусии.

8. Тупаници на колковите и навалена глава

Прилично агресивна поза која открива дека никако не се согласувате со соговорникот или ситуацијата во која се наоѓате.

9. Мавтање со палецот

Гест со кој давате до знаење дека ви е здодевно и дека не ви е многу грижа за она што се случува или зборува.

10. Една рака притисната во тупаница

На овој начин несвесно ја покажувате тензијата или стравот кој го чувствувате. Делувате како во секој момент да ќе експлодирате.

11. Рака на уста

Избегнувајте да ја ставате раката на уста, посебно додека зборувате. Така соговорникот ќе мисли дека не сте сигурни во она што го кажувате.

12. Вперување на прстот

Со овој знак на строгост делувате дека очајно се обидувате да убедите некого во нешто или да му се допаднете. Спротивно на тоа, луѓето не сакаат кога соговорниците се строги.