Полицијата употребила камион од седум тони за да отстрани електричниот скутер

На полицајците во Велика Британија многумина им се смеат затоа што користеле камион од 7,5 тони за да отстранат електричен скутер.
Полицијата од Вест Мерси во петокот гордо објавила фотографија на Фејсбук на која се гледа како на камион превезуваат запленет скутер.
Полицијата соопштила дека го запленила возилото откако возачот бил забележан како го вози на јавни патишта.
Но, корисниците на социјалните мрежи бргу истакнале дека полициските службеници можеле да користат помало возило за да го однесат скутерот, тежок околу 45 килограми.
Некои напишале дека можеле едноставно да го сместат на задното седиште во полициски автомобил, наместо да ангажираат камион.
„Ова изгледа како огромно трошење ресурси“, е само еден од коментарите и, се разбира, шегите веднаш започнаа.
„Тие требаше да дојдат со поголем камион, мислам дека овој не е доволно голем“, е друга реакција.

Фото: Facebook