ekran платформа за слободоумни
Пол Круцен, добитникот на Нобеловата награда а кој ја открил озонската дупка, починал на 87-годишна возраст.
Тој доби Нобелова награда за хемија за истражување на влијанието на човекот врз светот во кој живееме. Притоа, тој ги обликуваше нашите сознанија за озонската дупка и антропоцената.
Смртта на Круцен ја објави холандскиот радиодифузер НОС, повикувајќи се на неговото семејство и Институтот за хемија „Мак Планк“ во Мајнц, каде што работел Круцен. За своето истражување за исцрпување на озонот од страна на хлорофлуоројаглеродите (КФЦ), на Круцен му беше доделена Нобеловата награда за хемија во 1995. година. Наградата ја подели со Мексиканецот Марио Молина и Американецот Френк Шервуд Роланд.
Кручен починал во Германија опкружен со своето семејство. Зад себе ги оставил сопругата, две ќерки и три внуци.
Круцен е роден во Амстердам во 1933. година. Во 60-тите и 70-тите години од минатиот век, тој ги проучувал ефектите на азотни оксиди врз озонската обвивка – и заедно со Молина и Роланд предвиделе дека овој слој во голема мера ќе ги намали CFC развиени од човекот.
Последователно е забранета употреба на CFC во ладилници и климатизери. Од 1980. до 2000. година, Круцен беше директор на Одделот за атмосферска хемија на Институтот за хемија во „Мак Планк“ во Мајнц.
Претседателот на друштвото „Мак Планк“, Мартин Стратман, го пофали Круцен како пионер.
„Прв покажа како човечките активности го оштетуваат озонскиот слој. Ова знаење за причините за осиромашување на озонот создаде основа за глобална забрана за супстанциите што го осиромашуваат озонот – досега единствениот пример за тоа како основните истражувања на добитници на Нобелова награда можат директно да доведат до глобална политичка одлука“.
Круцен исто така бил пионер во науките што влијаеле на човечката цивилизација. Во врска со ова, нобеловецот за хемија прво дискутираше за терминот „антропоцен“ за нашата ера.
Според институтот Мак Планк, Кручен има објавено повеќе од 360 рецензирани научни статии и 15 книги. Тој беше еден од најцитираните научници во светот, доби бројни почести и награди. Тој беше член на бројни научни академии како што е Академијата на науките на Папата и почесен член на Националната академија на науките на Леополдин.
Фото: Принтскрин/Youtube
