ekran платформа за слободоумни
Новинарот Марјан Блажевски по кратко и тешко боледување почина денеска во Скопје. Блажевски беше роден во 1968 година во Скопје, а најголемиот дел од својота новинарска кариера го помина во дневниот весник „Дневник“. По затворањето на „Дневник” работеше во порталот „Фактор”.
Ангажманот го почна во скопската рубрика, а потоа беше новинар во економската рубрика на која неколку наврати беше и уредник. Колегите новинари кои работеа со прерано починатиот Блажевски ќе го паметат како добар професионалец и колега, а читателите по неговите текстови на економски теми. Погребот е утре во 14 часот на Градските гробишта Бутел во Скопје.
