Пет години без Ванчо! Беше и остана еден од најталентираните и најшармантните актери во Македонија!

Денес се навршуваат пет години од предвремената и трагична смрт на нашиот голем актер Ванчо Петрушевски. Актерот кој носеше посебна ѕвезда за да биде цели 40 години еден од најсаканите и најдрагите актери на театарската и филмската сцена.

Дипломирал на Отсекот за драмски актери на Вишата музичка школа во Скопје во 1975 година. Од истата година како актер работи во Драмскиот театар во Скопје, сè до неговото пензионирање во 2017та година. Со успех настапувал во повеќе улоги во претстави од домашни и странски автори.